bağayarpağı

7 xəstəliyə çarə: bağayarpağı 🌱

  1. Gec sağalan yaralarda bağayarpağı

Əgər dərinizdə irinli yaralar, çiban, kor çiban, trofik xoralar və ümumiyyətlə, müalicəyə çətin tabe olan yaralar varsa, belə bir reseptdən istifadə edə bilərsiniz: bağayarpağının təzə yarpaqlarını dərin, yuyun, üstünə inək yağını çörək üzərinə çəkilən yağ kimi çəkin, sonra dürmək kimi bükün, nazik məftillə bağlayın ki, açılmasın, sonra yanmayan folqaya bükün və közün içinə basdırın. (Və ya 50-60 dərəcə sobada 20 dəq. saxlayın.) 20 dəqiqədən sonra yarpaqları folqanın arasından çıxarın, əzib maz formasına salın və gündə 2 dəfə yaraların üstünə çəkin. Xatırladım ki, bu reseptdən çöl şəraitində yaşayan insanlar və əsgərlərimiz istifadə edə bilərlər.

  1. Qastritdə və kolitdə bağayarpağı

Qastrit və kolit zamanı təzə bağayarpağı yığılır, yuyulur, stəkana tökülür, üstünə yarım stəkan təmiz su əlavə olunub blenderlə qarışdırılır və yeməkdən yarım saat əvvəl içilir.(və ya təzə bağayarpağı dərilir, yuyulur 2 saat suda saxlanılır, sonra şirəçəkəndən keçirilir, şirəsi çıxarılır, xatırladım ki, bu üsul daha çox faydalıdır) Gündə üç dəfə istifadə edildikdə bağayarpağının tərkibində olan bioloji aktiv maddələr sürətlə yaranın sağalmasına səbəb olur.

bağayarpağı çayı
  1. Zob düyünlərində istifadə

Zob düyünlərini əritmək üçün bağayarpağı yığılır, ətçəkən maşından keçirilir və zobun üstünə qoyulur. Belə sarğını gündə 1 dəfə qoyub 2-4 (dərinin həssaslığından asılı olaraq əgər səpgi verməsə 4 saat saxlaya bilərsiniz) saat müddətində saxladıqda, zob düyünləri əriyir.

  1. Babasildə istifadə

0,5 litrlik şüşə qaba bir qat kərə yağı, bir qat blenderdə xırdalanmış təzə bağayarpağı, yenə bir qat yağ və bitki sıra ilə tökülür. Çalışın qatların qalınlığı 1 sm-dən çox olmasın və ən axırıncı sıra yağ olsun. Qışda qızdırıcının üstündə yayda günəş görən pəncərədə 1 həftə saxlayın, sonra qarışdırın. Gündə iki dəfə babasilin üstünə çəkin, babasil düyünləri əriyəcəkdir.

Digər xəstəliklərdə istifadəsi

  1. Daban mahmızında bağayarpağı

Daban mahmızı varsa axşamlar təzə dərilmiş bitki əzilir və daban altına qoyulur, 3-4 saat (və ya yatanda ayaq altına bağlanılır səhərə qədər) saxlanır. Səhərlər isə axşama qədər 1 ədəd enliyarpaq bağayarpağı daban üzərinə qoyulur, nazik tənziflə bağlanır və corab geyilir. Bunu gündüzlər 3-4 saat saxlamaq faydalıdır.

  1. Şəkər xəstəliyində istifadə

Bitki yığılır, qurudulur, əzilir, toz formasına salınır. Gündə 3 dəfə yeməkdən əvvəl 1 çay qaşığı bağayarpağı tozu bir stəkan qatıq və ya kefirə qarışdırılaraq yeyilir. (və ya 1 çay qaşığı ağıza atılır, üstdn 1 stəkan su içilir)

  1. Bronxitdə bağayarpağı

Enliyarpaq bağayarpağı yığılır, kölgədə qurudulur. Müxtəlif mənşəli bronxitlərdə 1 çay qaşığı xırdalanmış yarpaqlar 1 stəkan suda və ya süddə dəmlənir. Gündə 3 dəfə yeməkdən əvvəl bir stəkan içilir.

Qaynaq. www.fizulihuseynov.com

Məhsullarımızdan əldə etmək üçün əlaqə.

3 thoughts on “7 xəstəliyə çarə: bağayarpağı 🌱”

Leave a Comment

Your email address will not be published.